Ramón Villares
Na Galipedia, a wikipedia en galego.
Ramón Villares Paz (Cazás, Xermade, 1951) é doutor en Historia desde 1980 e catedrático de Historia Contemporánea da Universidade de Santiago de Compostela dende 1987. É autor de máis de setenta publicacións.
Tamén foi editor de libros como "Donos de seu", Sotelo Blanco Edicións, Barcelona, 1988 e de "Señores y campesinos en la Península Ibérica, siglos XVIII-XX", Editorial Critica/Consello da Cultura Galega, Barcelona, 1991 (en colaboración con Pegerto Saavedra).
Decano da Faculdade de Xeografía e Historia (1986 - 1990) e reitor magnífico da Universidade de Santiago (1990-1994), membro fundador e presidente (1996-2002) da Asociación Española de Historia Contemporánea, na actualidade é director en Galicia da UIMP (dende 1998).
| Predecesor: Carlos Pajares Vales |
reitor da Univ. de Santiago 1990 - 1994 |
Sucesor: Darío Villanueva Prieto |
Forma parte do Consello Editorial de Marcial Pons Ediciones de Historia e pertence ao consello asesor de revistas como Ayer (M.Pons Ediciones de Historia), Historia Social (Valencia), Hispania (Madrid), Ler Historia (Lisboa) ou Perspectivas Históricas (México) e Estudios Migratorios.
O 20 de abril de 2006 foi elixido presidente do Consello da Cultura Galega.
| Predecesor: Alfonso Zulueta de Haz |
presidente do Consello da Cultura Galega 2006 - |
Sucesor: no cargo |
[editar] Obras
- "La propiedad de la tierra en Galicia 1500-1936", Siglo XXI Editores, Madrid, 1982
- "Foros, frades e fidalgos", Estudos de historia social de Galicia, Edicións Xerais, Vigo, 1982
- "Galicia. A Historia", Editorial Galaxia, Vigo, 1984 (con versión en lingua española e portuguesa)
- "El indiano gallego: mito y realidad de sus remesas de dinero", 1984
- "Historia da emigración galega a América", Santiago de Compostela, Xunta de Galicia, 1996 (Coautoría con Marcelino Fernández Santiago)
- "Figuras da nación", Edicións Xerais de Galicia, Vigo, 1997
- "El mundo contemporáneo, siglos XIX y XX", Editorial Taurus, Madrid, 2001 (en colaboración con A.Bahamonde)
- "Historia de Galicia", Editorial Galaxia, 2004.
