Nicomedes Pastor Díaz

Na Galipedia, a wikipedia en galego.

Nicomedes Pastor Díaz Corbelle (Viveiro, Lugo, 15 de setembro de 1811 † Madrid, 22 de marzo de 1863), escritor, xornalista e político español do Romanticismo.

[editar] Biografía

Creceu no seo dunha familia numerosa. Foi o terceiro de dez irmáns, oito mulleres e dous homes, e puxéronlle de nome o do santo do día, San Nicomedes, ao que lle engadiron o equivalente masculino do nome da sua madriña, Pastora. Seu pai, Antonio Díaz, desempeñaba un posto de oficial administrativo da Armada, e co tempo chegou a ser titular da contadoría de correos de Lugo. A mai era María Corbelle. Aínda que era pouco habitual para a época, todos os irmáns sobreviviron á infancia. O seu único irmán varón, Felipe Benicio, foi interventor de pagos no Ministerio da Gobernación e Deputado a Cortes.

Nicomedes estudou no Seminario conciliar de Viveiro e despois cursou estudos de Filosofía no seminario de Mondoñedo (1823). Na Universidade de Santiago de Compostela comezou xurisprudencia, pero trasladouse á Universidade de Alcalá, onde se titula avogado en 1833. En 1836 noméano Secretario de Goberno político de Santander e posteriormente xefe político de Segovia. En 1843 foi Deputado pola Coruña e una ano despois foi elixido por Cáceres e máis tarde por Navalmoral de la Mata. Tamén foi nomeado Secretario do Banco de Isabel II.

En 1847 aparece ao frente do Real Consello de Agricultura, Industria e Comercio. Foi Secretario de la Gobernación e numerario da RAE. Durante cinco meses foi Ministro de Comercio, Industria e Obras Públicas

Nicomedes ía ser o prologuista de Cantares gallegos de Rosalía de Castro, mais faleceu antes de o facer.