Martín Codax

Na Galipedia, a wikipedia en galego.

Para outros significados de Martín Codax vexa Martín Codax (homónimos)

Martín Codax, ou Martim Codaz -como aparece transcrito no Cancioneiro da Vaticana-, foi un trobador galego medieval (do século XIII - ao XIV).

Índice 1 Vida 2 Obra 3 Discografía 4 Véxase tamén 4.1 Outros artigos 4.2 Ligazóns externas

[editar] Vida

A súa orixe non está clara, o xograr procede probabelmente de Vigo, xa que hai numerosas referencias a esta cidade. Viviu entre a segunda metade do século XIII e comezos do século XIV. Non hai moitos datos sobre a identidade deste xograr.

[editar] Obra

Dúas son as características máis importantes de Martin Codax: por un lado, a súa inspiración fortemente orixinal, máis próxima á realidade do amor vulgar, e por outra banda o feito de que as súas composicións, ademais de seren transmitidas polos Cancioneiros, foran recollidas no chamado Pergamiño Vindel, o que nos dá a posibilidade de acceder ás músicas, supostamente orixinais, dos seus creadores.

Os poemas de Martín Codax que figuran no pergamiño son os seguintes (sen título, citanse polo seu primeiro verso):

• Ondas do mar de Vigo
  
• Mandad'ey comigo
  
• Mha irmana fremosa treydes comygo
  
• Ay Deus se sab'ora meu amado
  
• Quantas sabedes amar amigo
  
• En o sagrad' en Vigo
  
• Ay ondas que eu vin veer
  

No pergamiño Vindel consérvase tamén a notación musical destas cantigas, de maneira bastante excepcional porque case toda a notación musical da lírica trobadoresca non se conservou -no Cancioneiro da Ajuda aparece o sitio para a notación musical, mais está en branco-. Existe outro pergamiño que tamén conserva a notación musical: o pergamiño Sharrer (T).

O corpus literario atribuído limítase xa que logo a sete cantigas de amigo que figuran nos cancioneiros da lírica galego-portuguesa e no pergamiño Vindel, no cal se concreta o nome do autor das composicións. A descuberta deste pergamiño debeuse ao azar: ocorreu cando Pedro Vindel, a principios do século XX, o encontrou na súa biblioteca, e achounos servindo de forro a un exemplar do De officiis de Cicerón.

Dedicóuselle o Día das Letras Galegas do ano 1998 (xunto con Xohán de Cangas e Meendinho).

Existe un grupo de música antiga chamado Martín Codax que interpreta música medieval e do Renacemento e que teñen na súa discografía cantigas medievais de escarnio, cantigas de Santa María e, por suposto, cantigas de Martín Códax.

[editar] Discografía

A seguinte discografía está ordenada por ano de gravación, pero a referencia é a da edición máis recente en CD. Nos casos en que non exista edición en CD, informase da correspondente edición en vinilo. Non se incluen as recopilacions, só os discos orixinais.

Os discos separáronse en dous grupos: aqueles que conteñen as sete cantigas ou polo menos as seis con música e aqueles que conteñen unha selección parcial delas.

Discos que conteñen todas as cantigas:

Discos cunha selección de cantigas:

Nº	Cantiga	Grabaciones
1	Ondas do mar de Vigo	PON, YOR, BAT, CLE, EST, MED, ORI, WYT*, LES*, AMA*, CAN, SPI, EIR, LAM, ANT, CER, FIG, VIG, ABE, SUA
2	Mandad'ei comigo	YOR, DOA, COM, BAT, CLE*, WYT, LES, DIA, GOT, MAG, CAN, SPI, LAM, ULT, FRE, NIM, CER, ITI, BAL, SUA
3	Mia irmana fremosa	YOR, COM, CLE*, EST, COH, AMA, CAN, PER, LAM, ANT, ULT, ITI
4	Ai Deus, se sab'ora meu amigo	ALI, COM, CER, ITI, SUA
5	Quantas sabedes amar amigo	PON, DOA, ALI, COM, COH, DRA, REN, PAN*, LES, OST, CAN, SPI, PAS, CER, VIG, INS, MAR*, ALF*, OND
6	Eno sagrado, en Vigo	YOR, ALT, OST, GOT, SPI
7	Ay ondas que eu vin veer	YOR, XER, SON, DRA, CAN, CLA, ABE, SUA, ALI

(*) versión instrumental

[editar] Véxase tamén

[editar] Outros artigos

• Trobadorismo

[editar] Ligazóns externas

• Portal de Martín Codax na Biblioteca Virtual Miguel de Cervantes, coa audición das cantigas incluido.
• Facsímile dunha cantiga de M. Codax
• Grupo de música antiga Martín Códax
• Bibliografía de Codax, por Vicenç Beltran