Emilio Álvarez Giménez

Na Galipedia, a wikipedia en galego.

Emilio Álvarez Giménez naceu en Zamora no ano 1830. En 1857, é destinado en Pontevedra para levar a Cátedra de Estudos Clásicos e Casteláns do instituto local. Desde aquel momento quedaría moi ligado á cidade do río Lérez, onde se asentou definitivamente. Tomou contacto con integrantes do movemento do Rexionalismo e participou activamente no xornalismo pontevedrés. No instituto onde exerceu o seu labor docente creou un cadro teatral. Precisamente é autor Álvarez Giménez dunha da primeira peza teatral de temática histórica escrita en lingua galega, cuxo título é Mari-Castaña. Unha Revolta Popular (1884).Ocupou igualmente cargos políticos como a vicepresidencia da Deputación Provincial de Pontevedra. Tamén foi Xefe Superior Honorario da Administración Civil e conselleiro de instrución pública. Ocupou igualmente cargos non políticos de importancia, como a presidencia da Sociedad Económica de Pontevedra.

Del descenderán, por outra parte, importantes escritores e intelectuais galegos, como Emilio Álvarez Blázquez, Xosé María Álvarez Blázquez, Xosé María Álvarez Cáccamo, Celso Álvarez Cáccamo, Gerardo Álvarez Limeses, Emilio Álvarez Negreira...

Álvarez Giménez finalizou os días en Pontevedra no ano 1911.